Basoa proiektua/espazioa
Basoa argazkitan
Zer da Basoa?
Basoa espazioa Laudioko Isasi auzoak kokaturik dago, Laudio BHIren (Laudio institutuaren) esparruaren baitan. Ondoan, Laudioko ortu komunitario eta ekologikoak kokatzen dira, non 2019tik, Kirikinok baratzea duen.
Testuinguru honetan, egun Laudio BHI ikastetxearen baitan Basoa espazioa bezala ezagutzen duguna, 25 urte baino gehiago zeramatzan erabilia izan gabe, bai naturgunea, zelaia, espaloiak, aterpeak eta baita kiroldegia ere.
2021eko martxoaren amaieran, Kirikino aisialdi taldeak herri mailan hezkuntza, elikadura burujabetza eta euskalgintza eragile askoren babesarekin proiektuak lehen bihotz taupadak eman zituen, Laudioko institutuaren babes eta laguntzarekin.
Martxotik irailera bitartean auzolanak izan ziren astero lekua txukundu eta berriro bizigarri bilakatzeko. Tartean, auto-finantziaziorako jarduera ezberdinak egon ziren, udalekuak eta udako kultur zikloa, besteak beste.
Irailetik aurrera, espazio eta proiektuaren sozializazio lanak nagusitu ziren, Basoaren aldeko eguna, bertso saioa, kontzertuak edota argazki erakusketa ibiltariaren bidez. Gainera finantziaziorako ere baliagarria izanik.
Azaroan aldiz, espazioa argiztatzeko diru bilketa kanpaina egin zen, eguzki energia bidez funtzionatzen zuten foko batzuen bitartez espazioa negu partean arratsaldeko jarduna ahalbidetu ahal izateko.
Basoan dauden azpi-proiektuak
Zuhaiztia
20 zihaitz espezie ezberdinetik gora barne biltzen ditu zuhaiztiak. Hauen katalogazioa egin dugu.
Landare aromatiko eta sendabelarrak
Romeroa, labanda, aloe vera, kalendulak, tomilloa... dira Basoko sendabelarren lorategian dauden landareetako batzuk. Tarteka ikastaroak eskaintzen dira.
Auzo-liburutegia
Norbanako eta kolektibo ugariren liburu ekarpenaz, genero anitz eta adin zein hizkuntza ezberdinetako liburuak ditugu.
Basoko txorien gida
Gaur egun Basoa espazioan 12 txori espezie bizi dira urte osoan zehar. Huen inguruko informazioa jaso dugu gida eta panel batean.
Boulderra
Espazioko gune batean eskaladarako pareta bat dago, harriekin osatua. Denon eskura eskura, jolasteko, entrenatzeko...
Basoa argitu dezagun
2021eko urria eta azaroa bitartean Basoa argitzeko dinamika ezberdinak garatu ziren eguzki energia bidez funtzionatzen duten foko batzuk eskuratzeko.
Basoa gauetan argi
Urrats ausarta ematea erabaki genuen 2021eko udazkenean, Basoa argitzeko muntai fotoboltaikoa instalatuz.
Eguneroktasunekojarduerak urriak baziren ere, gaua goiz gauzten zen eta hainbat ekitaldi burutzeko edota mantenu lanak burutzeko zailtasunak tarteko eguzki plaka eta fokoen aldeko apustua egin genuen.
Diru bilketa xume bateki eta zozketa txiki batzuekin eskuratu genituen lehenbiziko xosak lehen plaka eta fokoak eskuratu eta instalatzeko. Izan ere, Basoa kokatzen den zonaldean ez da argia lortzeko aukerarik. Gaur egun 12 plaka eta argi fokok argitzen dute gauero espazioa.
Basoko gertakariak
Txorien gida
Basoaren aldeko egitasmo kulturalak zuzenean
Basoa beti irudikatu dugu iluna bezala, baina barrura sartzen ez zaren arte, ez zara honen edertasunaz ohartzen. Bihotz taupada urriak eman baditu proiektuak oraindik, odol andana dario zainetan proiektuari, kultura dario. Gune honetan, Basoa espazioaren alde egin diren egitasmo kultural guztiak (ahal bezala) grabaturik daude, denon gozamenerako.
Izatefaltsua
Frakture
Irune Urkixo
Piano taupadak
Kultur tantak
*Bideoak argitaratzen joango gara ahal dugunean
Catastrofe
La casa fantom
Yourinha Borova
Oles bertso saioa
viernes de RISAka
Nola heldu Basora?
Laudio BHI (Basoa)
Isasi Bidea 3, Laudio, 01400
(+34) 688 726 665
izenemateakirikino@gmail.com
Basoko mapa
Mapa honen laguntzarekin, Basoa espazioaren baitan aduden gune ezberdinen kokalekua ezagutu dezakezu.