Zer da Kirikino?

1984an Laudioko gazte batzuk, bestelako aisialdi eskaintza bat sustatzeko asmoarekin sortu zuten Kirikino Atseden Taldea Elkartea. 

Ibilbide oparoa izan du geroztik eta Aiaraldeko eta Euskal Herriko txoko ezberdinetan antolatu ditu jarduerak.

Udazkenean baina, zuhaitzetako hostoak jauzten diren bitarean, haziak ereiteko une egokia izaten da baita ere. Era horretan, 2018ko udazkenean, taldeko kideak, hausnarketa prozezu batean murgildu ginen, unera arte abian genuen proiektua, bizi genuen egoerara egokitzeko asmoz.

...eta bai, 2019ko udaberria heldu zen, eta gure inguruko zelaiak lore ederrez bete ziren, tartean, Kirikino Atseden Taldearen proiektu berritua.

Hezkuntza ez-formalean 34 urteko ibilbidearekin, ipar orratzak hartu eta norabide berriak zehazteari ekin genion, gure usterako hezigarriagoa den aisialdi eredua aurkitu arte.

Gauzak hala, elikaduraren prozesu guztia hurbiletik jarraituko zuen adar bat garatu genuen, zeinetan, ortu bati esker, erein eta landatu dezakegun. Baratzetik jasotako barazki eta frutak sukaldera eramaten ditugu eta bertan, sukaldatu ostean jateko. Hori horrela, baratzera txangoak eta sukaldarita tailerrak burutzen ditugu.

Gainera, hilabeteko bigarren larunbat goizean, Laudioko plazan izaten den tokiko ekoizleen azokan, haurrentzako espazio bat prestatzen dugu, Basalarrinako kideekin batera.

Proiektuaren berrikuntza ez da soilik elikadurara mugatzen, eta ikuskizunen adarra ere diseinatu genuen. Honekin batera, zinema proiekzioak, antzerki saioak eta ipuin kontaketak uztartzen dituzten saioak aurki datezke adar honetan.

Kirikino irratia egitasmoa ere abian da 2019ko azarotik, haur, gazte eta familiei zuzendutako irratsaioak dira, euskararen erabilera areagotzeko eta inprobisazioa lantzeko helburuekin. Azken hau, duela urte batzuk Kirikinok, Uhinak irratian (Aiaraldeko herri irrati librean) egiten zituen saioetan situ sustraiak.

Proiektua borobiltzeko, egonaldiak ere antolatzen ditugu, elkarbizitza (beste helburu eta balore askorekin batera) lantze aldera. Hauek itxiak nahiz irekiak, edo egun bateko txangoak izan ohi dira.

Proiektua bideragarria izan dadin, bazkideak ere behar ditugu. Dagoeneko 60 gara!

Hauek, urtean zehar, onura ezberdinak jasotzen dituzte proiektuko kide izateagatik. Bazkidetza-mota ezberdinak ditugu, horren arabera ekarpen ekonomikoa egiten da.

Ondoan duzuen bideoan azalduko dizuegu hobeto:

Bazkidetza-motak

Banakako bazkidetza

Bazkidetza mota honetan, pertsona bakarra bazkidetu ahal izango da Kirikinora. Adinak ez du axola, adin guztietarako aisialdi jarduerak antolatzen ditugulako; haur, gazte zein helduentzat.

Gozatu bazkide izatearen onuretaz:

  • Informazio guztia sakelako eta posta elektroniko bidez jasoko duzu.
  • Kirikino Atseden Taldeak antolaturiko jardueretan deskontu bereziak izango dituzu.
  • Kirikino Atseden Taldeak antolaturiko jardueretan izena ematerakoan lehentasuna izango duzu.
  • Bazkideen arteko zozketetan parte hartuko duzu.
  • Bazkidea izateagatik Kirikino Atseden Taldeak urtero egiten duen oparia jasoko duzu.

Bazkidetza-mota honek, urtean, 15€ko prezioa izango du, pertsonako.


Familia bazkidetza 

Bazkidetza-mota honetan, familiako kideak egiten dira taldeko kide. Beraz, bazkide izateak eskaintzen dituen onuretaz gozatuko dute familiako kide guztiek.

Gozatu bazkide izatearen onuretaz:

  • Informazio guztia sakelako eta posta elektroniko bidez jasoko duzue.
  • Kirikino Atseden Taldeak antolaturiko jardueretan deskontu bereziak izango dituzue.
  • Kirikino Atseden Taldeak antolaturiko jardueretan izena ematerakoan lehentasuna izango duzue.
  • Bazkideen arteko zozketetan parte hartuko duzue.
  • Bazkide izateagatik Kirikino Atseden Taldeak urtero egiten duen oparia jasoko duzue.

Bazkidetza-mota hoenk, urtean, 25€ko prezioa izango du, familia bakoitzeko.
*Bazkidetza-mota honetan gehienez 5 kide bazkidetu ahal izango dira. 

Bazkide izategatik jasoko dituzun beste onura batzuk:

  • Kirikinok eskaintzen dituen zerbitzuak prezio berezian eskuratu ahal izango dituzu.
  • Taldearen azpiegitura batzuk erabiltzeko aukera izango duzu (ortua, materiala... ).


Zalantzak dituzu?

Jar zaitez gurekin harremanetan eta kafe bat hartuko dugu.
Hemen aurkituko gaituzu:
izenemateakirikino@gmail.com helbidean
688726665 zenbakian
Nahiago baduzu, jarraian duzun galdetegia bete dezakezu: