Errezeta gozo-gozo baten proposamena luzatu nahi dizuegu oraingoan, txokolate bonboika egitekoa, jarraian dituzue osagai eta prestaketako azalepenak, podcastean ere jaso dugu errezeta.

OSAGAIAK

• Gailetak edo magdalenak
• Igurzteko gazta
• Txokolate tableta (zuria, beltza edo esnearekin)

PRESTAKETA

1. Lehenengo, gailetak txikitu behar ditugu batidorak duen txikitzeko makinarekin. Magdalena edo bizkotxo txikiekin egingo baditugu bonboiak eskuaz desegin ditzakegu.
2. Ondoren, txikitu ditugun gaileta kantitatearen arabera, igurzteko  gazta botako dugu koilara handi batekin, bi koilarakada bota eta ikusiko dugu zelan txikitu dugun hori gaztarekin nahasten den, bola handi bat lortu arte. 
3. Behin hori egin dugula, bolatxo txikiak hasiko gara egiten. Nahi adina bolatxo egin ditugunean hozkailura sartuko ditugu 30 minutuz.
4. Bitartean, bonboiak estaltzeko txokolatea urtzen hasiko gara. Horretarako, txokolate tableta osoa zati txikiagoetan apurtuko dugu eta mikrouhinera sartu. 20 segunduro begiratu beharko dugu eta nahastu, bestela baliteke txokolatea erretzea.
5. Txokolate guztia urtuta, hozkailutik bonboiak aterako ditugu eta txokolatez estaliko ditugu, horretarako bonboiak banan-banan txokolatean sartuz. Guztiak bukatu ditugunean, berriro ere hozkailuan sartu ditugu eta 2 ordu pasa arte itxaron.
6. Apaintzeko lakasitoak, koloretako fideoak edota gaileta zatitxoak jarri ahal dizkiogu gainean.
7. Azkenik, on egin!

Podcastean entzun

*Audioa ez da halabeharrez deskargatu behar, sarean entzun daiteke.