Abuztuko azken egunetan udaleku irekiak
04.06.2019
Abuztuaren 27tik 30era bitartean udaleku irekiez gozatzeko aukera izango dute bazkide nahiz ez bazkideek, Laudioko Zubiko etxean eta honen inguruetan
Kirikino Atseden Taldearen irudia
Lau egunetako udaleku irekiak antolatu ditu atseden talde laudiarrak datorren abuztuko azken egunetaratako. Zubiko etxean izango dira, hala ere, herriko bazter ezberdinak baliatuko dituzte euskara, natura, elikadura, sormena, elkarlana eta autonomia garatzeko.
2014 - 2006 urteen artean jaiotako horientzat zuzenduta daude udaleku irekiak, eta 9:30etan abiatuko dira eta 13:30etan ordea, amaitu.
Izena emateko prozedura eta prezioa
Bazkideek 35€ ordaindu beharko dituzte eta bazkideak ez diren horiek, aldiz, 40€. Izena emateko, posta elektroniko bidez izenemateakirikino@gmail.com helbidera mezu bat bidali beharko da abuztuaren 14a baino lehenago.
Zalantza posibleak argitzeko 688726665 zenbakia eskura utzi nahi izan dute Kirikinoko kideek.